ՀՀ-ԱՄՆ ընկերությունը ոչ թե վերահսկելու է այդ ճանապարհը, այլ՝ կառավարելու է. Փաշինյան
ՀՀ-ԱՄՆ ընկերությունը ոչ թե վերահսկելու է այդ ճանապարհը, այլ՝ կառավարելու է։ Բիզնես կառավարում է իրականացնելու: Այս մասին ճեպազրույցի ժամանակ հայտնել է Հայաստանի վարչապետ Նիկոլ Փաշինյանը։
Անդրադառնալով այդ ճանապարհն իրանական բեռնատարների կողմից հատելու հնարավորությանը՝ նա բերել է ՌԴ կողմից կոնցեսիոն սկզբունքով կառավարվող երկաթուղու օրինակը. «Բազմաթիվ բնակավայրերով ու ճանապարհներով է այդ երկաթուղին անցնում, և տասնյակ, հարյուրավոր հատման տեղեր կան։ Հայկական, իրանական, վրացական, եվրոպական որևէ մեքենա այդ երկաթուղու վրայով անցնելիս որևէ խնդրի չի հանդիպում, որովհետև դա ՀՀ իրավազորության տարածք է»,- ասել է նա։
