Ուկրաինայի ԶՈՒ-ի գլխավոր հրամանատարը բացահայտել է ռազմաճակատում Ռուսաստանի ծրագրերը
Ռուսաստանը կենտրոնացնում է իր ուժերը մի քանի ուղղություններով և պատրաստվում է նոր հարձակողական գործողությունների: Իրավիճակն այժմ մնում է բարդ։ Այս մասին ՌԲԿ-Ուկրաինային տված հարցազրույցում ասել է Ուկրաինայի զինված ուժերի գլխավոր հրամանատար, գեներալ Ալեքսանդր Սիրսկին։
«Իրավիճակը ռազմաճակատում այժմ իսկապես բարդ է: Այն բնութագրվում է Ռուսաստանի ռազմավարական հարձակողական գործողության շարունակությամբ», - ասել է նա։
Նրա խոսքով՝ Ռուսատանը ներկայումս վերախմբավորվում է և կենտրոնանում երկու հիմնական ուղղությունների վրա։
«Սա Պոկրովսկի ուղղությունն է, որը մնում է որոշիչ ռուսների համար: Եվ հիմա թշնամին իր ստորաբաժանումները տեղափոխում է Սումիից Զապորոժյեի ուղղություն: Այսինքն՝ սա կլինի երկրորդ ուղղությունը, որով թշնամին պլանավորում է սկսել ակտիվ հարձակողական գործողություններ», - բացատրել է գլխավոր հրամանատարը։
