ԱՄՆ նահանգապետի թեկնածուին կոչ են արել դուրս գալ ընտրապայքարից
Վերջերս հրապարակված տեսախցիկի տեսանյութում երևում է, թե ինչպես են Հարավային Կարոլինայի նահանգապետի դեմոկրատ թեկնածու Ուիլյամ ՄըքԼեոդին ձերբակալում ներքնազգեստով, ընդ որում նա հայհոյում և իրեն Աստված և Սուպերմեն է անվանում:
Վերջինս ցուցաբերել է «թմրանյութերի ազդեցության տակ գտնվող մարդուն բնորոշ նշաններ»:
Դեմոկրատը հիշատակել է իր առաջիկա ընտրարշավը և սպառնացել է կոտրել մրցակցի «ատամները», միաժամանակ հրաժարվելով ոստիկանությանը հայտնել իր անունը: Իր հայհոյանքներով լի ելույթում ՄըքԼեոդը սպառնալիքներ է հնչեցրել նահանգի ներկայիս և նախկին քաղաքական գործիչների հասցեին:
Դեռևս պարզ չէ, թե արդյոք նա թմրանյութերի թեստ է անցել: Նրան մեղադրանք է առաջադրվել հասարակական կարգի խախտման համար:
Կուսակցության ղեկավարությունը նրան կոչ է արել դուրս գալ նահանգապետի ընտրապայքարից, որտեղ նա ներկայում կուսակցության միակ թեկնածուն է:
