Էրդողանը դատի է տվել թուրք պաշտոնյային
Թուրքիայի նախագահ Ռեջեփ Թայիփ Էրդողանը դատական հայց է ներկայացրել գլխավոր ընդդիմադիր «Ժողովրդահանրապետական» կուսակցության (ԺՀԿ) ղեկավար Օզգուր Օզելի դեմ՝ մեղադրելով նրան վիրավորանքի համար և պահանջելով 1 միլիոն լիրա (24,5 հազար դոլար) փոխհատուցում բարոյական վնասի համար։ Այս մասին ТАСС–ի հաղորդմամբ հայտնել է թուրք առաջնորդի փաստաբան Հուսեյն Այդինը։
«ԺՀԿ նախագահ Օզգյուր Օզելի կողմից օգոստոսի 13-ին արված անտեղի հայտարարությունների և անհիմն մեղադրանքների պատճառով՝ մեր նախագահի դեմ Անկարայի քաղաքացիական առաջին ատյանի դատարան է ներկայացվել 1 միլիոն թուրքական լիրայի չափով բարոյական վնասի փոխհատուցման հայց։ Բացի այդ՝ Անկարայի գլխավոր դատախազություն բողոք է ներկայացվել նախագահին վիրավորելու հանցագործության համար», – գրել է փաստաբանը X-ում։
Հիշեցնենք՝ ավելի վաղ Ստամբուլում կայացած հանրահավաքում ելույթ ունենալով՝ Օզելը, մասնավորապես, մեղադրել է Էրդողանին այս տարվա մարտին ընդդիմադիր քաղաքապետ Էքրեմ Իմամօղլուի ձերբակալության համար՝ կոռուպցիայի մեղադրանքով։
Էրդողանը նախկինում մի քանի անգամ դատական հայցեր է ներկայացրել ԺՀԿ առաջնորդի դեմ։
Հավելենք՝ նախագահին վիրավորելը Թուրքիայում քրեական հանցագործություն է։
