Օկուպացված Արցախում հրդեհի պատճառը հայտնի է․ 17-ամյա ադրբեջանցին ձերբակալվել է
Օկուպացված Արցախի Իվանյան քաղաքի տարածքում օգոստոսի 6-ին խոշոր հրդեհ է բռնկվել, տեղի ոստիկանության աշխատակիցների կողմից պարզվել է Իվանյան քաղաքի տարածքը հրկիզած անձի ինքնությունը։ Այս մասին հայտնում է Pravda.az-ը։
Ադրբեջանի Ներքին գործերի նախարարության մամուլի ծառայության տարածաշրջանային խումբը հայտնել է, որ հետաքննության արդյունքում պարզվել է, որ հրդեհը բռնկվել է 17-ամյա ադրբեջանցու՝ կրակի հետ անզգույշ վարվելու հետևանքով, վերջինս ձերբակալվել է։
Հավելենք՝ միջադեպի հետևանքով այրվել է մոտ 40-50 հեկտար մշակաբույսեր և թփեր։
