Արաբկիր վարչական շրջանի կալանավորված ղեկավար Արամ Ազատյանը վերադարձել է աշխատանքի
Մեկ տարի առաջ կալանավորված Արաբկիր վարչական շրջանի ղեկավար Արամ Ազատյանը վերադարձել է աշխատանքի։ Factor.am-ի այս տեղեկությունը հաստատել է Երևանի քաղաքապետի մամուլի քարտուղար Հայկ Կոստանյանը։
Ազատյանի պաշտպան Արթուր Պիվազյանը հայտնել է, որ իր պաշտպանյալի նկատմամբ կիրառվել են վարչական հսկողություն, գրավ և բացակայելու արգելք խափանման միջոցները։
Մինչ այս խափանման միջոցների կիրառումն Ազատյանն ավելի քան 20 օր տնային կալանքի տակ է եղել։ Արամ Ազատյանը մեղադրվում է պաշտոնեական դիրքի չարաշահման, կաշառք ստանալու համար։
«Ապացույցները թյուրիմացություն են, բնականաբար, Ազատյանը չի ընդունում մեղադրանքը»,- ասել է փաստաբանը։
Պիվազյանի խոսքով դիմել են Եվրադատարան, դիմումը մուտք է եղել, այլ տեղեկություն չունեն։
