Թրամփն ունի բոլոր գործիքները՝ Ուկրաինայում հակամարտությունը լուծելու համար
Սպիտակ տան աշխատակազմի ղեկավարի տեղակալ և ներքին անվտանգության խորհրդական Սթիվեն Միլլերը հայտարարել է, որ ԱՄՆ նախագահ Դոնալդ Թրամփն ունի բոլոր անհրաժեշտ գործիքները՝ Ուկրաինայում հակամարտությունը լուծելու համար։
Նրա խոսքով՝ սա վերաբերում է դիվանագիտական, ֆինանսական և այլ գործիքներին։ «Դոնալդ Թրամփի համար սեղանին դրված են բոլոր գործիքները՝ հակամարտությունը դիվանագիտական, ֆինանսական և այլ եղանակներով լուծելու համար», - ասել է նա Fox News-ի եթերում։
Հիշեցնենք՝ Հուլիսի 29-ին պարոն Թրամփը հայտարարել է, որ Ռուսաստանին տալիս է 10 օր՝ Ուկրաինայում հակամարտության վերաբերյալ համաձայնության հասնելու համար։ Նա ընդգծել է, որ, իր կարծիքով, Ռուսաստանի նախագահ Վլադիմիր Պուտինը հետաքրքրված է հակամարտության շարունակմամբ։ Սկզբնական ժամկետը 50 օր էր։
