Առանց մուտքի արտոնագրերի Հայաստանի քաղաքացիները կարող են այցելել Ռուսաստան
Հայաստանի և Ռուսաստանի քաղաքացիների՝ առանց մուտքի արտոնագրերի փոխադարձ այցելությունների մասին համաձայնագրում հայտագրերի փոխանակման ձևով փոփոխություններ կատարելու մասին համաձայնագիրն այսօր հավանության է արժանացել ՀՀ կառավարության նիստի ժամանակ։
Մասնավորապես՝ համաձայնագրով սահմանվում է, որ մի կողմի պետության քաղաքացիները կարող են մուտք գործել, դուրս գալ, տեղաշարժվել և գտնվել մյուս կողմի պետության տարածքում առանց արտոնագրերի՝ քաղաքացիությունը հաստատող փաստաթղթերով:
«Համաձայնագրում հայտագրերի փոխանակման ձևով փոփոխություններ կատարելու մասին ներկայիս նախագծով նախատեսվում է փոփոխել ՀՀ քաղաքացիների՝ Ռուսաստանի տարածքով մուտքի, ելքի, կացության և տեղաշարժի համար փաստաթղթերը` ցանկից հանելով «օտարերկրյա պետություններում գործողության ժամկետի նշումով» բառերը»,– ասված է որոշման հիմնավորման մեջ:
