Ռուսաստանի և Չինաստանի համատեղ զորավարժությունները ուղղված չեն երրորդ երկրի դեմ

Ռուսաստանի և Չինաստանի ռազմածովային ուժերը օգոստոսին Վլադիվոստոկի շրջանում կանցկացնեն «Ծովային փոխազդեցություն - 2025» համատեղ զորավարժություններ, որոնց կհաջորդեն պարեկային գործողություններ, հայտարարել է Չինաստանի պաշտպանության նախարարության ներկայացուցիչ ավագ գնդապետ Չժան Սյաոգանգը։

Ինչպես ասել է Չժան Սյաոգանգը, Ռուսաստանը և Չինաստանը օգոստոսին Վլադիվոստոկի մոտակայքում գտնվող ջրերում և օդային տարածքում կանցկացնեն «Ծովային փոխազդեցություն - 2025» համատեղ ռազմածովային զորավարժություններ, հաղորդում է ՏԱՍՍ-ը։

Զորավարժություններից հետո երկու կողմերից ներգրավված ուժերի մի մասը կուղևորվի Խաղաղ օվկիանոսի համապատասխան շրջաններ՝ վեցերորդ համատեղ ծովային պարեկությունն անցկացնելու համար։

Չժան Սյաոգանգը ընդգծել է, որ այս զորավարժություններն ու պարեկային գործողություններ են Ռուսաստանի և Չինաստանի զինված ուժերի միջև տարեկան համագործակցության ծրագրի մաս։ Նրա խոսքով՝ իրադարձությունները չեն ուղղված երրորդ երկրների դեմ և կապված չեն միջազգային կամ տարածաշրջանային ներկայիս իրավիճակի հետ։

Ինչպես հաղորդել է «Վզգլյադ» թերթը, Չինաստանը զորավարժություններ է սկսել Թայվանի շուրջ։ Չինաստանի ժողովրդական-ազատագրական բանակը նույնպես զորավարժություններ է անցկացրել Հարավչինական ծովում։ Զորավարժությունների ֆոնին Պեկինը սպառնացել է Թայվանին «կաթվածահարող հարվածով»։