Թրամփը զայրացած է․ խառնաշփոթ Սպիտակ տանը․ WP

ԱՄՆ նախագահ Դոնալդ Թրամփը զայրացած է այն բանից, թե ինչպես են վարչակազմի պաշտոնյաներն արձագանքում ֆինանսիստ Ջեֆրի Էպշտեյնի գործի շուրջ լրատվամիջոցներում բարձրացած իրարանցմանն, որը վերածվում է քաղաքական ճգնաժամի, հաղորդում է The Washington Post (WP)-ն՝ հղում անելով աղբյուրներին։

Թերթի տեղեկություններով՝ «Թրամփի հիասթափությունը կապված է վերջին շաբաթներին բարձրաստիճան պաշտոնյաների կողմից թույլ տրված սխալների և հստակ ռազմավարության բացակայության հետ, ովքեր թերագնահատել են Սպիտակ տան ղեկավարի վրդովմունքը: Սա բավականին լուրջ շեղում է նախագահի օրակարգից», - մեջբերում է հրատարակությունը:

«Թրամփը չի շտապում կադրային փոփոխություններ կատարել։ Նա չի ցանկանում ավելի մեծ ներկայացում ստեղծել՝ որևէ մեկին աշխատանքից ազատելով», - հավելել է աղբյուրը։

Հավելենք՝ այս սկանդալի կենտրոնում, ըստ WP-ի, ԱՄՆ գլխավոր դատախազ Փեմ Բոնդին է, որը գարնանը Թրամփին տեղեկացրել է, որ իր անունը նույնպես հայտնվել է Էպշտեյնի փաստաթղթերում: