Եվրախորհրդարանն որոշել է ռուսական գազից ամբողջությամբ հրաժարվել

Եվրոպական խորհրդարանը քննարկում է ռուսական գազի ներկրումից ամբողջությամբ հրաժարվելու ժամկետը 2028-ից 2027 թվականի հունվարի 1-ը տեղափոխելու վերաբերյալ առաջարկները: Այս մասին հաղորդում է Reuters գործակալությունը:

Նախաձեռնությունն առաջադրել են պատգամավորներ Ինես Վայդերը  և Վիլե Նիինիստեն: Չնայած Եվրամիության անդամ շատ երկրներ, դժվար թե աջակցեն արագացված ժամանակացույցին, բայց պատգամավորները նշել են, որ այս հանգամանքը կարող են օգտագործել որպես լծակ՝ բանակցություններում զիջումների համար:

Հավելենք՝ պատգամավորներն  առաջարկում են պատժել ընկերություններին՝ արգելքը խախտելու համար, իսկ արդեն 2027 թվականից ռուսական նավթի ներմուծումն ամբողջությամբ պետք է արգելվի: Խորհրդարանում այս հարցի քվեարկությունը սպասվում է աշնանը։