Վաշինգտոնը կոչով դիմել է Ռուսաստանին և Ուկրաինային

Վաշինգտոնը կոչ է անում Մոսկվային և Կիևին շարունակել ուղիղ բանակցությունները՝ լիակատար հրադադարի և խաղաղ կարգավորման համար։ Այս մասին լրագրողների համար կազմակերպված հերթական ճեպազրույցում հայտարարել է Պետդեպարտամենտի մամուլի ծառայության ղեկավարի տեղակալ Թոմի Փիգոթը։

«Կարող եմ ասել, որ մենք շարունակում ենք նպաստել Ռուսաստանի և Ուկրաինայի միջև ուղիղ բանակցություններին՝ համապարփակ հրադադարի և, ի վերջո, բանակցային խաղաղ կարգավորման հասնելու նպատակով», - ասել է նա։

Հավելենք՝ Ռուսաստանի և Ուկրաինայի միջև բանակցությունների երրորդ փուլը տեղի է ունեցել Ստամբուլում, կողմերը համաձայնության էին եկել  ռազմագերիների, ինչպես նաև քաղաքացիական անձանց փոխանակման վերաբերյալ։