Ռուսաստանում ռադարներից անհետացած ինքնաթիռը հայտնաբերվել է. ողջ մնացածներ չկան
Ռուսաստանի արտակարգ իրավիճակների նախարարության մամուլի ծառայությունը հայտնել է, որ Ամուրի մարզում Ан-24 ուղևորատար ինքնաթիռի կործանման վայրը պարզվել է։
«Որոնողական աշխատանքների ընթացքում Դաշնային օդային տրանսպորտի գործակալության Մի-8 ուղղաթիռը հայտնաբերել է ինքնաթիռի ֆյուզելյաժը, այն այրվում է։ Փրկարարները շարունակում են շարժվել դեպի միջադեպի վայր», - հայտնել են գերատեսչությունից։
Նախնական տեղեկություններով՝ ինքնաթիռի կործանման հետևանքով ողջ մնացածներ չկան:
Հիշեցնենք՝ ավելի վաղ հայտնել էինք, որ ՌԴ Ամուրի մարզում կորել է կապը Ան-24 ուղևորատար ինքնաթիռի հետ, որում կա 43 ուղևոր (ներառյալ 5 երեխա) և անձնակազմի 6 անդամ:
