Խորհուրդներ բնից ընկած թռչուններին օգնություն ցույց տալու համար
Վերջին շրջանում Շրջակա միջավայրի նախարարությունը հաճախ ստանում է զանգեր ու հարցումներ՝ կապված բնից ընկած թռչունների օգնության հետ։ Նախարարությունից շնորհակալություն են հայտնում հոգատարության համար, և ընդգծում՝ կարևոր է իմանալ՝ ինչպես օգնել առանց վնասելու։
Ահա մի քանի կարևոր խորհուրդ բնապահպաններից․
.Չմոտենալ թռչունների բներին ու ապրելու վայրերին․ նույնիսկ բարի նպատակներով մոտենալը կարող է սթրես առաջացնել կամ վտանգի տակ դնել նրանց անվտանգությունը:
.Մի տարեք տուն ձագերին․ հաճախ թվում է, թե նրանք մենակ են մնացել, բայց իրականում ծնողները մոտակայքում են և խնամում են:
․Չնկարահանել դրոնով մոտիկից․ թռչունների համար սա լուրջ սթրեսի աղբյուր է։ Խորհուրդ է տրվում պահպանել առնվազն 500 մետր հեռավորություն։
. Եթե վստահ չեք՝ ինչ անել, խորհրդակցեք մասնագետների հետ՝ զանգահարելով համապատասխան ծառայություններին։
