Ամերիկան կմշակի հստակ պլան՝ Գազայի պատանդներին ազատ արձակելու համար

Միացյալ Նահանգները հետ կկանչի բանակցային իր թիմին Դոհայից և կուսումնասիրի այլընտրանքային եղանակներ՝ Գազայի հատվածում պահվող իսրայելցի պատանդներին ազատ արձակելու համար։ Այս մասին գրել է ԱՄՆ նախագահի հատուկ դեսպանորդ Սթիվեն Վիտկոֆը X-ում։

«Մենք որոշել ենք մեր թիմը Դոհայից հետ կանչել խորհրդակցությունների համար՝ Համասի վերջին արձագանքից հետո, որը հստակ ցույց է տալիս Գազայում հրադադարի հասնելու ցանկության բացակայությունը: Մենք այժմ կքննարկենք այլընտրանքային տարբերակներ՝ պատանդներին տուն վերադարձնելու և Ղազայի ժողովրդի համար ավելի կայուն պայմաններ ստեղծելու համար», - հավելել է Վիտկոֆը։

Հավելենք՝ Վիտկոֆը նախաձեռնել էր ժամանել Մերձավոր Արևելք՝ Գազայի հատվածում հրադադարի միջնորդության փորձ կատարելու համար։