Պուտինն ու Զելենսկին կհանդիպեն. քննարկումներին վերջակետ կդրվի. Մեդինսկի
Ստամբուլում ռուս-ուկրաինական պատվիրակությունների միջև բանակցությունների ավարտից հետո, ուկրաինական կողմը Ռուսաստանին առաջարկել է Պուտինի և Զելենսկիի հանդիպումը անցկացնել մինչև օգոստոսի վերջ, գրում է «ՏԱՍՍ»-ը:
«Մենք պայմանավորվել ենք, որ առաջիկայում յուրաքանչյուր կողմից առնվազն 1200 ռազմագերիների փոխանակում կիրականացվի: ՌԴ-ն հանդես է եկել կարճ հրադադարների հնարավորությունը դիտարկելու առաջարկով՝ վիրավորներին և մահացածներին վերցնելու համար:
Իսկ առաջին դեմքերի հանդիպմանը պետք է մանրակրկիտ նախապատրաստվել։ Այդ հանդիպումը պետք է լինի այնպիսին, որ քննարկումներին վերջակետ դրվի»,- նշել է Մեդինսկին։
Ռուսաստանի նախագահի օգնական և ուկրաինական կողմի հետ բանակցություններում ռուսական պատվիրակության ղեկավար Վլադիմիր Մեդինսկին նշել է, որ ՌԴ-ն Ուկրաինային առաջարկել է ձևավորել երեք աշխատանքային խումբ՝ քաղաքական, հումանիտար և ռազմական հարցերով, որոնք կաշխատեն առցանց:
