Միջուկային ծրագրի քննարկում՝ Իրանի, Ռուսաստանի և Չինաստանի միջև
Թեհրանում հուլիսի 22-ին տեղի է ունեցել Իրանի, Ռուսաստանի և Չինաստանի ներկայացուցիչների եռակողմ հանդիպում։ Այս մասին հայտնել է Tasnim-ը։
Նշվում է, որ հանդիպման հիմնական թեման եղել է Իրանի միջուկային ծրագիրը:
Կողմերը պայմանավորվել են շարունակել խորհրդակցությունները և համակարգել իրենց դիրքորոշումներն ու գործողությունները։ Նախատեսվում է առաջիկա շաբաթներին շարունակել հանդիպումները «տարբեր մակարդակներում»։
