Իրանն այլևս չի հանդուրժի ոչ մի սպառնալիք կամ թելադրանք. Փեզեշքիան
Իրանը համաձայն է ԱՄՆ նախագահ Դոնալդ Թրամփի հայտարարությունների հետ Թեհրանի կողմից միջուկային զենք ունենալու անթույլատրելիության մասին: Այս մասին հայտարարել է Իրանի նախագահ Մասուդ Փեզեշքիանը «Ալ Ջազիրա» հեռուստաալիքին տված հարցազրույցում:
«Թրամփն ասում է, որ Իրանը չպետք է միջուկային զենք ունենա: Մեր միջուկային ծրագիրը դադարեցնելու մասին խոսակցությունները պարզապես պատրանք են», - նշել է Իրանի նախագահը։
Փեզեշքիանը հավելել է, որ «ուրանի հարստացումն Իրանի տարածքում կշարունակվի ապագայում՝ միջազգային իրավունքի շրջանակներում»։
Նրա խոսքով՝ Իրանը չի հանդուրժի իր միջուկային ծրագրի վերաբերյալ սպառնալիքներն ու թելադրանքները։
