Իրանի դեմ պատժամիջոցներ սահմանելու դեպքում՝ արձագանքը կոշտ կլինի. փոխարտգործնախարար

Իրանի միջազգային հարցերով փոխարտգործնախարար Քազեմ Ղարիբաբադին հայտարարել է, որ Թեհրանը համաձայնել է ընդունել Ատոմային էներգիայի միջազգային գործակալության (ԱԷՄԳ) տեխնիկական պատվիրակությանը, որը երկիր կայցելի «երկու-երեք» շաբաթվա ընթացքում:

Նա նշել է, որ Իրանը միջուկային հարցերի և Արևմուտքի պատժամիջոցների սպառնալիքի վերաբերյալ իր դիրքորոշումը համակարգում է Ռուսաստանի ու Չինաստանի հետ, որոնց հետ Թեհրանն ունի ռազմավարական հարաբերություններ։ Միաժամանակ իրանցի պաշտոնյան զգուշացրել է, որ եթե ԵՄ-ի եռյակը որոշի վերականգնել Իրանի դեմ պատժամիջոցները, Թեհրանը շատ կոշտ կարձագանքի դրան:

«Եթե նրանք ակտիվացնեն Իրանի դեմ ՄԱԿ-ի Անվտանգության խորհրդի պատժամիջոցները վերականգնելու մեխանիզմը, մենք կպատասխանենք»,- լրագրողների հետ ճեպազրույցի ժամանակ ասել է Ղարիբաբադին։