Քաղաքականություն

Բայրամովը խոսել է Հայաստանի և Ադրբեջանի միջև խաղաղությունից

Բայրամովը խոսել է Հայաստանի և Ադրբեջանի միջև խաղաղությունից
Կարծում ենք, որ խաղաղության ճանապարհին լավ հեռանկարներ կան։ Իրատեսական ենք համարում այս ուղին շարունակելը, կան որոշակի քայլեր ուղին ավարտելու համար, բայց հայկական կողմը դեռևս այդ քայլերը չի…

Կարծում ենք, որ խաղաղության ճանապարհին լավ հեռանկարներ կան։ Իրատեսական ենք համարում այս ուղին շարունակելը, կան որոշակի քայլեր ուղին ավարտելու համար, բայց հայկական կողմը դեռևս այդ քայլերը չի ձեռնարկել: Այս մասին հայտարարել է Ադրբեջանի ԱԳ նախարար Ջեյհուն Բայրամով իր վրացի գործընկեր Մակա Բոճորաշվիլիի հետ հանդիպման ժամանակ։


«Անհրաժեշտ է անցկացնել հանրաքվե, սահմանադրությունից հանել Ադրբեջանի նկատմամբ տարածքային պահանջները, քայլեր ձեռնարկել Մինսկի խմբի լուծարման ուղղությամբ»,- ասել է նա։


Բայրամովը խոսել է նաև հայակական և ադրբեջանական հասարակությունների միջև վստահության ամրապնդման միջոցառումների մասին։


«Ընդհանուր առմամբ, խոսելով հետկոնֆլիկտային կարգավորման մասին, մենք բոլորս հասկանում ենք, որ դա գործընթաց է։ Դա մի ճանապարհ է, որը չի կարող ավարտվել մեկ օրում կամ կարճ ժամանակում։ Հասարակությունների միջև վստահության ամրապնդման միջոցառումների պլանավորումը և իրականացումը, հանդիպումների անցկացումը չափազանց կարևոր նշանակություն ունի: Այս համատեքստում ցանկանում եմ ևս մեկ անգամ շնորհակալություն հայտնել տիկին նախարարին և վրացական կողմին այն բանի համար, որ Վրաստանի նախաձեռնությամբ ապրիլի 17- ին շատ օգտակար հանդիպում է տեղի ունեցել Ադրբեջանի, Վրաստանի և Հայաստանի փոխարտգործնախարարների մակարդակով», - հավելել Է Բայրամովը։

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7460) Միջազգային (3260) ԱՄՆ (2287) Ռուսաստան (2107) Իրան (1738) Ընտրություններ (1273) Ուկրաինա (827) Երևան (799) Իսրայել (759) Ադրբեջան (621) Փաշինյան (560) Եվրոպա (510) Ընդդիմություն (437) Թրամփ (430) Ազգային ժողով (417)

Radio Aurora

Լսել Radio Aurora

Գովազդային տարածք

300x250