Մեծ Բրիտանիան կոչ է արել պատասխանել Իսրայելի հարվածներին
Սիրիայի ինքնիշխանությունը պետք է հարգվի տարածաշրջանի բոլոր երկրների կողմից: Այս մասին հայտարարել է Մեծ Բրիտանիայի արտաքին գործերի նախարար Դեյվիդ Լամմին, գրում է «ՏԱՍՍ»-ը:
«Մենք սարսափած ենք Սիրիայի հարավում վերջերս տեղի ունեցած բռնություններից, այդ թվում՝ քաղաքացիական բնակչության դեմ։ Դրուզների և բեդվինների խմբերի միջև բախումներն արագորեն վերածվեցին կառավարական ուժերի մասնակցությամբ ինտենսիվ մարտերի, որոնց հաջորդեցին Իսրայելի օդային հարվածները սիրիական զորքերի դեմ:
Սիրիայի Աս-Սուվեյդա նահանգում տեղի ունեցած բռնությունը պետք է հետաքննվի, և մեղավորները պետք է պատասխանատվության ենթարկվեն։ Մենք կոչ ենք անում վերականգնել մարդասիրական օգնության հասանելիությունն, ապահովել մարդասիրական օգնության մատակարարումն ու հարգել Սիրիայի ինքնիշխանությունը», - նշել է նախարարը:
