Գազայի տարածքի 12% հատվածում մեկուսացրել են 2,1 միլիոն պաղեստինցու

Գազայի հատվածում 2,1 միլիոն խաղաղ բնակիչ հայտնվել է ամբողջ պաղեստինյան անկլավի 12%-ը կազմող տարածքում՝ Իսրայելի զինվորականների տեղահանման հրամանների և ռազմական գործողությունների հետևանքով։ Այս մասին նշված է ՄԱԿ-ի մարդասիրական գործերի համակարգման գրասենյակի հրապարակած հայտարարության մեջ։

Նաև նշվում է, որ նախնական գնահատականներով՝ հրամանագրի հրապարակման պահին տարածքում գտնվել է 50 000-ից 80 000 մարդ, այդ թվում՝ մոտ 30 000 մարդ, որոնք ապաստան էին գտել 57 տեղահանման վայրերում: Վերջին ժամերի ընթացքում առնվազն 1000 ընտանիք լքել է տարածքը։ Հայտարարության մեջ նշվում է, որ նոր տարածքը ներառում է մի քանի մարդասիրական պահեստ, չորս առողջապահական կլինիկա, չորս բժշկական կետ և կարևորագույն ջրային ենթակառուցվածքներ: Այս ենթակառուցվածքին հասցված ցանկացած վնասը կունենա կյանքի համար վտանգավոր հետևանքներ։ Գրասենյակի տվյալներով՝ նոր հրամանը տարածվում է ամբողջ Դեյր էլ-Բալահ նահանգի վրա՝ մինչև Միջերկրական ծով՝ այդ կերպ ավելի մասնատելով պաղեստինյան անկլավը։

Արդյունքում կսահամանափակվի ՄԱԿ-ի և նրա գործընկերների՝ Գազայում անվտանգ և արդյունավետ տեղաշարժվելու կարողությունը, ինչպես նաև «մարդասիրական օգնության հասանելիությունը, երբ դրա կարիքն ամենաշատն է։