Բայդենի որդին վրդովված է, այլևս հեշտ չէ թմրանյութեր անցկացնել սահմանով. Սպիտակ տուն
Սպիտակ տունն արձագանքել է Դոնալդ Թրամփի վարչակազմի ներգաղթային քաղաքականության վերաբերյալ նախկին նախագահ Ջո Բայդենի որդու՝ Հանթեր Բայդենի քննադատությանը, նշելով, որ վերջինս դժգոհ է, որ թմրանյութեր ներմուծելը Միացյալ Նահանգներ ավելի դժվար է դարձել: Այս մասին X սոցիալական ցանցում գրել է Սպիտակ տան մամուլի քարտուղարի տեղակալ Աբիգեյլ Ջեքսոնը։
«Հանթերը պարզապես վրդովված է, քանի որ այլևս հեշտ չէ թմրանյութեր անցկացնել սահմանով, ինչպես դա իր հոր նախագահության ժամանակ էր», - գրել է նա:
Հավելենք՝ Հանթեր Բայդենը հարցազրույց էր տվել, որում քննադատել էր անօրինական ներգաղթյալների արտաքսումը։
