ԱՄՆ-ն միջուկային ռումբեր է տեղափոխում Մեծ Բրիտանիա՝ Ռուսաստանի պատճառով
UK Defence Journal-ի տվյալներով՝ ԱՄՆ-ն 17 տարվա ընթացքում առաջին անգամ միջուկային զենք է տեղակայել Մեծ Բրիտանիայի տարածքում։ Մի քանի B61-12 ջերմամիջուկային ռումբեր են մատակարարվել Սաֆոլկի Լեյքենհիթ ավիաբազային։
ԱՄՆ միջուկային զենքը նախկինում տեղակայվել է բազայում Սառը պատերազմի ժամանակ, սակայն դուրս է բերվել 2008 թվականին՝ Եվրոպայում զինանոցի կրճատման շրջանակներում։
Հրապարակումը նշում է, որ միջուկային զենքի վերադարձը կարող է վկայել ՆԱՏՕ-ի միջուկային ռազմավարության լուրջ փոփոխությունների մասին՝ Ռուսաստանի հետ հարաբերությունների վատթարացման և միջուկային զսպման քաղաքականության ամրապնդման ֆոնին։
