Մարկո Ռուբիոյի վարկանիշն Ամերիկայում գնալով աճում է. CNN
ԱՄՆ պետքարտուղար Մարկո Ռուբիոն նախագահ Դոնալդ Թրամփի համար դարձել է «վարպետ բոլոր արհեստներում», իսկ գործող վարչակազմի արտաքին քաղաքականությունն ավելի ու ավելի է համապատասխանում այն տեսակետներին, որոնք Պետդեպարտամենտի ղեկավարն որդեգրել էր սենատորի աթոռին աշխատելու ընթացքում, հայտնում է CNN հեռուստաալիքը՝ վկայակոչելով ամերիկացի պաշտոնյաներին:
«Նա, փաստորեն, Թրամփի համար արտաքին քաղաքականության տարբեր ուղղություններում դարձել է «մեծ վարպետ», - ասվում է հրապարակման մեջ:
Պարբերականի զրուցակիցների, այդ թվում՝ գործող և նախկին պաշտոնյաների խոսքով՝ Պետդեպարտամենտի ղեկավարի հեղինակությունը վարչակազմում զգալիորեն աճել է նրա աշխատանքի մեկնարկից ի վեր, իսկ ԱՄՆ ներկայիս արտաքին քաղաքականությունն ավելի ու ավելի է արտացոլում այն դիրքերը, որոնք զբաղեցնում էր ինքը՝ Ռուբիոն:
