Եվրամիության երկրները խախտել են հիմնական դրույթները՝ աջակցելով Իսրայելին. Իրանի ԱԳ նախարար
Իրանի արտաքին գործերի նախարար Աբբաս Արաղչին նամակ է հղել ՄԱԿ-ի գլխավոր քարտուղար Անտոնիո Գուտերեշին, ՄԱԿ-ի Անվտանգության խորհրդի անդամներին և ԵՄ արտաքին գործերի նախարար Կայա Կալլասին, որում ներկայացրել է ՄԱԿ-ի Անվտանգության խորհրդի կողմից Իսլամական Հանրապետության դեմ պատժամիջոցների երկարաձգման անհնարինության օգտին փաստարկներ, փոխանցում է «ՏԱՍՍ»-ը:
«ԵՄ 3 երկրները հրաժարվել են Համատեղ համապարփակ գործողությունների ծրագրի (ՀԳՀԾ) հիմնական դրույթներից և իրենց պարտավորություններից, երբ աջակցել են Իսրայելի և ԱՄՆ-ի կողմից Իսլամական Հանրապետության միջուկային օբյեկտներին հարվածներին», - հայտարարել է Արաղչին։
Իրանի արտգործնախարարը նշել է, որ ԵՄ 3 երկրները «չեն կարող և չպետք է թույլ տան իրենց խաթարել ՄԱԿ-ի Անվտանգության խորհրդի հեղինակությունը՝ չարաշահելով մի բանաձև, որին իրենք հավատարիմ չեն»։ Նրա կարծիքով, երեք եվրոպական պետությունները պետք է հավատարիմ մնան իրենց արտահայտած դիրքորոշմանը, որը ենթադրում է ձեռնպահ մնալ «ցանկացած գործողությունից, որը միայն կսրի ՄԱԿ-ի Անվտանգության խորհրդում տարաձայնությունները»։
Ավելի վաղ իրանական Tasnim գործակալությունը՝ հղում անելով աղբյուրներին, հայտնել էր, որ Իրանը համաձայնության է եկել Ֆրանսիայի, Գերմանիայի և Մեծ Բրիտանիայի հետ՝ վերսկսելու Իսլամական Հանրապետության միջուկային ծրագրի շուրջ բանակցությունները:
