Դուք անհեթեթ մարդ եք և ձեզ չեք հարգում. Թաքեր Կարլսոնը՝ Մերցի մասին
Եթե կանցլեր Ֆրիդրիխ Մերցը Գերմանիայում առկա խնդիրների պատասխանը համարում է Ռուսաստանի Դաշնության հետ հակամարտությունը, ապա նա անհեթեթ մարդ է: Այս մասին հայտարարել է ամերիկացի լրագրող Թաքեր Կարլսոնը Bild թերթին տված հարցազրույցում:
«Եթե կարծում եք, որ Գերմանիայի համար ներկայիս խնդիրների պատասխանը Ռուսաստանի հետ պատերազմելն է, ապա դուք անհեթեթ մարդ եք: Եթե թույլ եք տալիս օտար զորքերին գտնվել ձեր հողի վրա, ապա դուք ձեզ չեք հարգում», - ասել է ամերիկացի լրագրողը:
Կարլսոնը հիշեցրել է, որ Գերմանիայում տեղակայված են մի քանի տասնյակ հազարավոր ամերիկացի զինվորներ։
«Խորհրդային Միությունը փլուզվեց 1991 թվականի ամռանը։ Ասացեք, խնդրեմ, ինչի՞ց են ձեզ փրկում ամերիկյան զինվորականները: Ձեր ամբողջ երկիրը վախենում է Ռուսաստանից, դա տխուր է։ Բայց դուք չեք վախենում միլիոնավոր միգրանտներից, ովքեր կործանում են ձեր երկիրը։ Սա ինչ-որ տարօրինակ մազոխիզմ է», - նշել է Կարլսոնը և հավելել, որ Ամերիկայում հեղափոխության պատճառներից մեկը բրիտանական զորքերի ներկայությունն էր ամերիկյան հողում:
