ԱՄՆ նախկին նախագահ՝ Բարաք Օբաման, դավադրության մեջ է մեղադրվում

ԱՄՆ իշխանությունները ապացույցներ ունեն, որոնք թույլ են տալիս նրանց մեղադրել ԱՄՆ նախկին նախագահ Բարաք Օբամայի վարչակազմի  անդամներին դավադրություն իրականացնելու և 2016 թվականի նախագահական ընտրություններին միջամտելու մեջ: Այս մասին Fox News- ի եթերում  հայտարարել է ԱՄՆ Ազգային հետախուզության տնօրեն Թուլսի Գաբարդը։

«Մենք ունենք ապացույցներ, որոնք թույլ են տալիս մեզ առաջ շարժվել, արդարադատություն փնտրել, մեղավորներին պատասխանատվության ենթարկել և նրանց մեղադրանք առաջադրել»,- ասել է նա:

Ըստ ԱՄՆ Ազգային հետախուզության տնօրենի՝ կհրապարակվեն լրացուցիչ ապացույցներ, որոնք, ցույց են տալիս, որ Օբամայի թիմը փորձում է տարածել կեղծ տեղեկություններ ընտրություններին «ռուսական միջամտության» մասին՝ խնդիրներ ստեղծելու ԱՄՆ գործող նախագահ Դոնալդ Թրամփի համար, ով հաղթել է 2016 թվականին։

Հավելենք՝ այդ հայտարարությունից հետո ԱՄՆ նախագահ Դոնալդ Թրամփը մեղադրել է Օբամային 2016 թվականի նախագահական ընտրություններում խարդախության մեջ: Գաբարդի կողմից հրապարակված տեղեկատվության համաձայն՝ նախկին նախագահի վարչակազմը թաքցրել է հետախուզական տեղեկատվություն այն մասին, որ Ռուսաստանը այդ ժամանակ «մտադրություն կամ կարողություն» չուներ էլեկտրոնային ընտրական համակարգը կոտրելու համար: