ՔԿ-ն մանրամասներ է հայտնել Արևշատ համայնքում տեղի ունեցող ձերբակալություններից

Արևշատ համայնքում խուլիգանության փաստով նախաձեռնված է քրեական վարույթ: Այս մասին Auroranews-ին հայտնեց ՔԿ խոսնակ Կիմա Ավդալյանը:

«Հաղորդման հիման վրա 2025 թվականի հուլիսի 16-ին ՀՀ քրեական օրենսգրքի 195-րդ հոդվածի 2-րդ մասի 5-րդ կետով, 297-րդ հոդվածի 2-րդ մասի 1-ին կետով և 297-րդ հոդվածի 3-րդ մասով նախաձեռնվել է քրեական վարույթը: 4 անձ ձերբակալվել է»:

Ավելի վաղ հայտնել էինք, որ Արարատի մարզի Վերին Դվին համայնքի բնակիչները հայտնում են, որ այսօր վաղ առավոտյան ՀՀ ոստիկանության Արտաշատի բաժնի ոստիկանները ներխուժել են համայնք և ձերբակալություններ են իրականացնում: