Ավինյանը՝ Վեհարանը Վեհափառից ազատելու գործընթացին մասնակցելու մասին
Կեղծավորության և արհեստականության մեջ ապրելը շատ սխալ բան է, որոշ դեպքերում պետք է որոշ ճշմարտություններ բարձրաձայնվեն և դրանց հետևից նաև գնալ։ Այս մասին լրագրողների հետ զրույցում ասել է Երևանի քաղաքապետ Տիգրան Ավինյանը՝ անդրադառնալով հոգևորականների դեմ վերջին շրջանում ծավալվող իրադարձություններին։
«Այն, ինչի վրա ժամանակին կամ շատ երկար ժամանակ աչք է փակվում, որոշ հանգամանքներից ելնելով, վաղ թե ուշ շատ դեպքերում այդ կեղծավորությանն ու արհեստականությանը, այո՛, պետք է վերջ տալ»,- նշել է Ավինյանը։
Քաղաքապետին հարց է ուղղվել, քանի որ Նիկոլ Փաշինյանն ասել է, որ առաջնորդելու է Վեհարանը Վեհափառից ազատելու գործընթացը, արդյո՞ք նա միանալու է այդ խմբին։
«Կարծում եմ՝ ամեն մարդ իր տեղում իր գործը կատարելու է»,- պատասխանել է Տիգրան Ավինյանը։
