Հազար ասեցինք՝ շատ փողը դեռ խելքի նշան չէ. Չախոյանը` Նարեկ Կարապետյանի հայտարարության մասին
Սամվել Կարապետյանի եղբորորդին պնդում է, թե նախկինների հետ կապ չունեն։ Այս մասին ֆեյսբուքյան իր էջում գրել է աշխատակազմի ղեկավարի տեղակալ Տարոն Չախոյանը:
«Ուզում են համոզել, որ Քոչարյանի համար գրավ վճարող Սամվել Կարապետյանը կապ չունի նրա հետ։ Ուզում են համոզել, որ Սամվել Կարապետյանը կապ չունի նաև Սերժ Սարգսյանի հետ, ում աշխատակազմի ղեկավարը նրա եղբայրն էր։ Հազար ասեցինք՝ շատ փողը դեռ խելքի նշան չէ»,- գրել է Չախոյանը:
Հիշեցնենք` «Տաշիր» ընկերությունների խմբի փոխնախագահ Նարեկ Կարապետյանը հայտարությամբ հանդես էր եկել որտեղ նշել էր. «Մեր կողմից ձևավորվող նոր քաղաքական ուժի դեմ օգտագործվող առաջին ֆեյք միջոցը լինելու է այն, որ Ռուսասատանն ուղարկել է Սամվել Կարապետյանին, որպեսզի այստեղ ռուսական ազդեցություն տարածի»:
