Արևմուտքի որոշ երկրներ եղել են ծառա կամ ծախսվող նյութ․ Մեդվեդևը

Նացիստական Գերմանիայի պարտությունից հետո արևմտյան երկրները մեծ ջանքեր գործադրեցին նացիզմի գաղափարախոսությունը պահպանելու համար, և նրանց քաղաքականության հետևանքները դեռևս լուծվում են։ Այս մասին հայտարարել է Ռուսաստանի Անվտանգության խորհրդի փոխնախագահ Դմիտրի Մեդվեդևը, փոխանցում է «ՏԱՍՍ»-ը։

«Սկզբում նախապատերազմյան Արևմուտքը սնուցել և աջակցել է Հիտլերի նացիստական ռեժիմին, իսկ երկրորդ համաշխարհային պատերազմում ֆաշիստների պարտությունից հետո առավելագույն ջանքեր է գործադրել, որպեսզի այդ գաղափարախոսությունը պահպանվի: Նացիստական հանցագործների հանդեպ նման զարմանալի հանդուրժողականության հետևանքները (զուգորդված գռեհիկ և կատաղի ռուսատյացության հետ) մենք հիմա հնձում ենք։ Հատկապես այն երկրներում, որոնք Հիտլերի համար ծառա կամ ծախսվող նյութ էին՝ Մերձբալթյան երկրներում, Լեհաստանում և բանդերական դարձած Ուկրաինայում»,- ասել է Դմիտրի Մեդվեդևը։

Մեդվեդևը ուշադրություն հրավիրեց այն փաստի վրա, որ իրենց պատասխանատվության գոտում գտնվող տարածքներում իրական դենացիֆիկացիայի փոխարեն արևմտյան «դաշնակիցները» սահմանափակվեցին միայն ձևական և մակերեսային միջոցառումներով։

«Նացիստական հանցագործների մեծ մասը, որոնց գործերը քննվել են արևմտյան դատական մարմինների մասնակցությամբ, թեթև վախով են ազատվել, ստացել են չափազանց մեղմ պատիժներ կամ համաներման են ենթարկվել պատերազմից մի քանի տարի անց։ Նրանց ժառանգներն ու համախոհները չեն զրկվել իշխանությունից», - ասել է Ռուսաստանի Անվտանգության խորհրդի փոխնախագահը։