Ռուսաստանի վրա ճնշում գործադրելն անիմաստ է․ Պետդումայի պատգամավոր
ԱՄՆ նախագահ Դոնալդ Թրամփը հասկանում է, որ Ռուսաստանի վրա ճնշում գործադրելը բացարձակապես անօգուտ է և նույնիսկ անշահավետ: Այս մասին ասել է Ղրիմի շրջանի Պետդումայի պատգամավոր Լեոնիդ Իվլևը, գրում է «ՏԱՍՍ»-ը։
ԱՄՆ նախագահ Դոնալդ Թրամփը, որը բազմիցս քննադատել է իր նախորդ Ջո Բայդենին Ուկրաինային բազմամիլիարդ դոլարանոց ռազմական օգնություն տրամադրելու համար, հայտարարել է Կիևին ՆԱՏՕ-ի դաշնակիցների միջոցով զենքի մատակարարման նոր սխեմայի մասին:
Նրա խոսքով՝ ԱՄՆ-ն եվրոպական երկրներին կվաճառի միլիարդավոր դոլարների արժողությամբ զենքի մեծ խմբաքանակ, այդ թվում՝ հրթիռներ, հակաօդային պաշտպանության համակարգեր և զինամթերք, որից հետո դաշնակիցները կփոխանցեն դրանք Ուկրաինային և կհամալրեն իրենց պաշարները ամերիկյան արտադրողներից նոր գնումների միջոցով: Թրամփը շեշտել է, որ սխեման լիովին համաձայնեցված է և կիրականացվի մոտ ապագայում՝ օգտագործելով ՆԱՏՕ-ի երկրների միջոցները:
