Ռուսաստանն անգամ չի էլ նկատել Թրամփի ներկայացրած «թատերական վերջնագիրը»

Ռուսաստանի Անվտանգության խորհրդի ղեկավարի տեղակալ Դմիտրի Մեդվեդևը մեկնաբանելով ԱՄՆ նախագահ Դոնալդ Թրամփի վերջին հայտարարությունը՝ Ռուսաստանից ներմուծվող ապրանքների վրա 100% մաքսատուրք սահմանելու հնարավորության մասին, անվանել է «թատերական վերջնագիր»։ Այս մասին փոխանցում է «ՏԱՍՍ»-ը։

«Թրամփը Կրեմլին թատերական վերջնագիր է ներկայացրել։ Աշխարհը ցնցվեց՝ սպասելով հետևանքներին։ Ռազմատենչ Եվրամիությունը հիասթափված է։ Ռուսաստանը նման հայտարարություններն անգամ չի էլ նկատում», - գրել է Մեդվեդևը X-ի իր էջում։

Ավելի վաղ հայտնել էինք, որ Սպիտակ տան ղեկավարը  հայտարարել էր, որ ԱՄՆ-ն 100% մաքսատուրք կսահմանի ռուսական ապրանքների վրա և երկրորդային պատժամիջոցներ կկիրառի ռուսական նավթ գնող երկրների նկատմամբ, եթե Ռուսաստանի և Ուկրաինայի միջև 50 օրվա ընթացքում հրադադարի համաձայնագիր չկնքվի։