Երդվյալ թշնամիները՝ Հայաստանն ու Ադրբեջանը, միավորվում են ընդդեմ Պուտինի․ The Telegraph

Երկու երդվյալ թշնամիներ Հայաստանն ու Ադրբեջանը միավորվում են՝ Պուտինին Հարավային Կովկասից դուրս մղելու համար, գրում է բրիտանական The Telegraph-ը։

Տարածաշրջանում պատերազմը քիչ հավանական է։ Սակայն պառակտումը իրական է և վտանգավոր Մոսկվայի համար, քանի որ Հայաստանը, 30 տարի շարունակ Ադրբեջանի հետ դաժան պատերազմների շարք մղելուց հետո, միանում է իր հին թշնամուն՝ Պուտինին Հարավային Կովկասից դուրս մղելու համար։

Հիշեցնենք՝ Ադրբեջանի նախագահ Իլհամ Ալիևը հանդիպում է ունեցել Հայաստանի վարչապետ Նիկոլ Փաշինյանի հետ։ Նրանց անմիջական բանակցությունները կենտրոնացած էին Զանգեզուրի միջանցքի վրա։

Հայաստանի և Ադրբեջանի միջև 2020 թվականի հրադադարի համաձայնագրի համաձայն՝ երթուղին պետք է վերահսկվեր Ռուսաստանի Դաշնային անվտանգության ծառայության (ԱԴԾ) կողմից։ Սակայն այդ պայմանավորվածությունն այժմ սպառնալիքի տակ է, քանի որ Ադրբեջանի նախագահ Իլհամ  Ալիևը ցանկանում է Մոսկվային դուրս մղել գործարքից և այն ամբողջությամբ դնել Ադրբեջանի վերահսկողության տակ։

«Ադրբեջանի նախագահի համար Մոսկվայից հրամաններ կրելու օրերը, կարծես, ավարտվել են։ Սա Ռուսաստանի վերջին մեծ խաղաքարտն է տարածաշրջանում։ Մենք դեռ չենք տեսել Ադրբեջանի և Հայաստանի միջև վերջնական խաղաղության պայմանագիր, բայց կան դրական նշաններ։ Վերջնական խաղաղության պայմանագիրը լուրջ հարված կլինի Ռուսաստանի դիրքերին Հարավային Կովկասում», - ասել է Նիլ Մելվինը, Թագավորական Միացյալ Ծառայությունների Ինստիտուտի  միջազգային անվտանգության տնօրենը։

Հոդվածում նշվում է, որ առայժմ Ռուսաստանը կշարունակի մեղադրել Արևմուտքին, միաժամանակ աշխատելով կուլիսներում՝ փորձելով փրկել իր հարաբերությունները։ Սակայն Ադրբեջանի և Հայաստանի՝ մի ժամանակ խորհրդային արբանյակների պես վերաբերվող երկրների համար նրանք իրենց սեփական ուղղությունն են ընտրում, որը  չի ներառում Ռուսաստանին։