Ուկրաինական ԱԹՍ–ները հարվածել են Զապորոժիեի ԱԷԿ-ի ուսումնավարժական կենտրոնին

Զապորոժիեի ԱԷԿ-ի ուսումնական կենտրոնը հուլիսի 13-ին անօդաչուների հարձակման է ենթարկվել։ Այս մասին հայտնել է են ատոմակայանից։

«Հակառակորդը երեք անօդաչու է կիրառել։ Հարվածը հասցվել է կայանի առաջին էներգաբլոկից մոտավորապես 250-300 մետր հեռավորության վրա։ Բարեբախտաբար, հարվածի հետևանքով հրդեհ չի առաջացել, լուրջ ավերածություններ էլ չկան», – ասված է հաղորդագրությունում։

ՏԱՍՍ-ի տվյալներով՝ ԶԱԷԿ-ի անձնակազմը չի տուժել ուկրաինական անօդաչուների հարձակման հետևանքով։

Կենտրոնում տեղակայված է ռեակտորային սրահի` աշխարհում միակ լիարժեք վարժասարքը, որը չափազանց կարևոր է անձնակազմի վերապատրաստման համար։ Այժմ մասնագետները գնահատում են վնասը և մանրամասն վերլուծում միջադեպի հանգամանքները։

Զապորոժիեի ԱԷԿ-ը շարունակում է բնականոն աշխատանքը՝ բոլոր անհրաժեշտ նախազգուշական միջոցների պահպանմամբ։ Կայանի շահագործման անվտանգությունն ապահովված է։ Աշխատակիցները որակավորման բարձրացման ուսումնական կենտրոնին հասցված հարվածները Զապորոժեի ԱԷԿ-ում գնահատել են որպես ճնշում ատոմակայանի աշխատակիցների վրա։