Ուկրանիայի Զապորոժյեի ԱԷԿ-ի վրա գիշերը հարյուրավոր կրակոցներ են արձակվել. Գրոսի
Զապորոժյեի ԱԷԿ-ի վրա գիշերը հարյուրավոր կրակոցներ են արձակվել հայտնել է ԱԷՄԳ-ի ղեկավար Ռաֆայել Գրոսին։
Կիրակի գիշերը Զապորոժյեի ԱԷԿ-ի ԱԷՄԳ-ի աշխատակիցները գրանցել են հրազենից «մի քանի հարյուր» կրակոցներ. դա տեղի է ունեցել ժամը 22:00-ի սահմաններում և տևել է մոտ մեկ ժամ, ասվում է գործակալության ղեկավար Ռաֆայել Գրոսիի հայտարարության մեջ։
Նա միջադեպը անվանել է «անսովոր երևույթ» և ընդգծել, որ նման ռազմական գործողությունները անընդունելի են միջուկային օբյեկտների մոտ։
Առավոտյան ստուգման ժամանակ մասնագետները բազմաթիվ պարկուճներ են հայտնաբերել 5-րդ և 6-րդ ռեակտորների մոտ, սակայն ենթակառուցվածքների վնասման որևէ նշան չի հայտնաբերվել։ ԱԷՄԳ-ն միջադեպի վերաբերյալ լրացուցիչ տեղեկություններ է խնդրել։
