ԱՄՆ-ն շատ երկար հանդուրժեց առևտրային գողությունը․ Դոնալդ Թրամփ

ԱՄՆ նախագահ Դոնալդ Թրամփը հայտարարել է, որ երկիրը տասնամյակներ շարունակ կորուստներ է կրել՝ թե՛ դաշնակիցների, թե՛ հակառակորդների գործողությունների պատճառով, այս մասին հայտնում է «ՏԱՍՍ»-ը։

«Ամերիկայի Միացյալ Նահանգները տասնամյակներ շարունակ թալանի է ենթարկվել առևտրի և պաշտպանության ոլորտում ինչպես դաշնակիցների, այնպես էլ թշնամիների կողմից: Դա մեզ տրիլիոնավոր դոլարներ արժեցավ, և նման իրավիճակն այլևս չի կարող շարունակվել, և երբեք էլ չպետք է լիներ» - նշել Է Թրամփը։

Նրա խոսքով՝ մյուս երկրները պետք է շնորհակալություն հայտնեն Միացյալ Նահանգներին երկար տարիների անվճար աջակցության համար, և հիմա պետք է հասկանան, որ Վաշինգտոնը կգործի իր սեփական շահերից ելնելով։