Թրամփը պնդում է, որ Մասկին զգուշացրել է էլեկտրական մեքենաների վերաբերյալ իրենց տարբեր դիրքորոշումների մասին

ԱՄՆ նախագահ Դոնալդ Թրամփը հայտարարել է, որ սկզբից էլ զգուշացրել է ամերիկացի գործարար Իլոն Մասկին, որ էլեկտրական մեքենաների վերաբերյալ նրանց դիրքորոշումները տարբերվում են, և որ դա կարող է խոչընդոտել իրենց համագործակցությանը։ Նրա խոսքերը մեջբերում է ՏԱՍՍ-ը՝ հղում անելով ամերիկացի առաջնորդի Fox News հեռուստաալիքին տված հարցազրույցին։

Սպիտակ տան ղեկավարի խոսքով՝ պետական ծախսերի մասին օրենքն ունի բազմաթիվ լավ դրույթներ։ Օրինակ՝ այն լավ է էներգետիկայի տեսանկյունից։

Նա չեղյալ է հայտարարել էլեկտրական մեքենաների մանդատը, որը, ինչպես գիտեք, վնասել է Իլոնին Մասկին։ Սա շատ վատ է, բայց ես նրան ասել եմ դրա մասին շատ ավելի վաղ, քան նա ինձ կաջակցեր։ Ես նրան ասել եմ. «Դու երբեք ինձ հետ չես լինի, որովհետև ես կչեղարկեմ մանդատը», - ասել է Թրամփը։

Ամերիկացի առաջնորդը պարզաբանել է, որ այնտեղ ասվում էր, որ մի քանի տարի անց բոլորը կունենան էլեկտրական մեքենաներ։ ԱՄՆ նախագահը համաձայն չէր դրա հետ, քանի որ ոչ բոլորն են ցանկանում գնել նման մեքենա։

Ի վերջո, նշել է Թրամփը, ամեն ինչ ավարտվեց նրանով, որ Մասկը շատ վրդովված էր այս օրենքի ստորագրումից։