Մոսկվան պատճառ չուներ հրաժարվելու․ Լավրովը՝ հյուսիսկորեական զորքերին ներգրավելու մասին
Հյուսիսային Կորեայի զինվորականների մասնակցությունը Կուրսկի մարզի ազատագրմանը հաստատում է Մոսկվայի և Փհենյանի միջև հարաբերությունների եղբայրական բնույթը։ Այս մասին հայտարարել է Ռուսաստանի արտաքին գործերի նախարար Սերգեյ Լավրովը ԿԺԴՀ արտաքին գործերի նախարար Չհի Սոն Հիի հետ Վոնսանում կայացած հանդիպումից հետո մամուլի ասուլիսում, գրում է «ՏԱՍՍ»-ը։
«Կուրսկի շրջանում մարտական գործողություններին հյուսիսկորեական զորքերին ներգրավելու նախաձեռնությունը եկել է Փհենյանից, և Մոսկվան որևէ պատճառ չուներ դրանից հրաժարվելու։
Կորեացի ընկերները հաստատել են իրենց անվերապահ աջակցությունը հատուկ ռազմական գործողության բոլոր նպատակներին և Ռուսաստանի ղեկավարության ու ռուսական բանակի գործողություններին», - ասել է Ռուսաստանի արտաքին գործերի նախարարը։
