Ամերիկայի հետ կփորձենք համաձայնության գալ՝ միաժամանակ պատրաստելով հակազդեցություններ. ԵՄ

Եվրամիությունը հայտարարել է, որ կշարունակի փորձել համաձայնության գալ Միացյալ Նահանգների հետ մինչև օգոստոսի 1-ը։ Այս մասին ասվում է Եվրահանձնաժողովի նախագահ Ուրսուլա ֆոն դեր Լայենի սոցիալական ցանցում  կատարված հրապարակման մեջ։

«ԵՄ արտահանման վրա 30% մաքսատուրքերի սահմանումը կխաթարի անդրատլանտյան մատակարարման հիմնական շղթաները՝ վնասելով Ատլանտյան օվկիանոսի երկու կողմերում գտնվող բիզնեսներին և սպառողներին: Մինչև օգոստոսի 1-ը ԵՄ-ն կշարունակի փորձել համաձայնության գալ ԱՄՆ-ի հետ՝ միաժամանակ պատրաստելով հակազդեցություններ ԵՄ շահերը պաշտպանելու համար»-, ասվում է հրապարակման մեջ:

Հավելենք՝ Եվրոպական հանձնաժողովի նախագահը նշել է, որ ԵՄ-ն կձեռնարկի բոլոր անհրաժեշտ միջոցները իր շահերը պաշտպանելու համար: