Լսել ենք Ուկրաինայի վերաբերյալ առաջարկներ, որոնք նախկինում չէին արվել. Ռուբիոն` Լավրովի հետ հանդիպմնա մասին

Միացյալ Նահանգները կշարունակի համագործակցել բոլոր կողմերի հետ՝ Ուկրաինայում հակամարտությունը լուծելու համար, չնայած խաղաղության բանակցություններում «առաջընթացի բացակայությանը»։ Այս մասին ՌԴ ԱԳ նախարար Սերգեյ Լավրովի հետ հանդիպումից հետո հայտնել է ԱՄՆ պետքարտուղար Մարկո Ռուբիոն:

«Միացյալ Նահանգները հինգշաբթի օրը ռուս պաշտոնյաների հետ հանդիպման ժամանակ լսել է Ուկրաինայի վերաբերյալ առաջարկներ, որոնք նախկինում չէին արվել: ԱՄՆ-ն հիասթափված է Ուկրաինայի հարցում առաջընթացի բացակայությունից»,- ասել է Ռուբիոն:

Միացյալ Նահանգները հետաքրքրված է Ուկրաինայում հակամարտությունը դադարեցնելու հստակ ծրագրով, և այս հարցի վերաբերյալ առաջարկները կներկայացվեն Թրամփին։

Ռուբիոն ասել է, որ Լավրովի հետ քննարկել է «որոշ գաղափարներ» այն մասին, թե ինչպիսին կարող է լինել Ուկրաինայի հակամարտության դադարեցման «ճանապարհային քարտեզը»։