Սուրեն Պապիկյանը հեռախոսազրույց է ունեցել Իրանի ՊՆ նախարարի հետ

ՀՀ պաշտպանության նախարար Սուրեն Պապիկյանն ու Իրանի պաշտպանության և զինված ուժերի աջակցման նախարար, բրիգադի գեներալ Ազիզ Նասիրզադեն տարածաշրջանային անվտանգության հարցեր են քննարկել։ Այս մասին հայտնում է ՊՆ մամուլի ծառայությունը։

Նշվում է, որ պաշտոնյաների հեռախոսազրույցը կայացել է այսօր։

«Զրույցի ընթացքում նախարարները քննարկել են միջազգային և տարածաշրջանային անվտանգության, ինչպես նաև երկկողմ համագործակցության օրակարգային հարցեր»,- նշված է հաղորդագրության մեջ։

Երկու երկրների նախարարները կարևորել են տարածաշրջանում կայունության և խաղաղության ամրապնդումը։