Եվրոպացիները երբեք չեն լքի Ուկրաինային. Մակրոն

Ֆրանսիայի նախագահ Էմանուել Մակրոնը հայտարարել է, որ եվրոպացիները երբեք չեն լքի Ուկրաինային:

«Ամեն անգամ, երբ Վլադիմիր Պուտինի Ռուսաստանն առաջ է շարժվում Ուկրաինայում, սպառնալիքը մոտենում է մեզ բոլորիս, երբեք չենք ընդունի այն տեսությունը, որ ամենաուժեղն է ճիշտ»,- հայտարարել է Մակրոնը:

Հիշեցնենք, որ Ռուսաստանը հստակ դիրքորոշում է հայտնել այս հարցի վերաբերյալ։ Մոսկվան դատապարտում է եվրոպական ռազմական կոնտինգենտի ներկայությունը Ուկրաինայի տարածքում։ Ավելին, եթե նախկինում Ռուսաստանի Դաշնությունը դեմ չէր Ուկրաինայի անդամակցությանը ԵՄ-ին, ապա հիմա ամեն ինչ այլ է։ Անվտանգության խորհրդի փոխնախագահ Դմիտրի Մեդվեդևը ընդգծել է, որ Եվրամիությունն ավելի ռազմականացված է դարձել, և դաշինքի անդամ երկրները ցանկանում են վրեժ լուծել Ռուսաստանից՝ դրա համար օգտագործելով Ուկրաինան։