Ադրբեջանի և Հայաստանի վերաբերյալ Ռուբիոյի հայտարարությունները կարևոր էին․ ԱՄՆ Պետդեպարտամենտ
ԱՄՆ Պետդեպարտամենտի խոսնակ Թեմի Բրյուսը մեկնաբանել է պետքարտուղար Մարկո Ռուբիոյի հայտարարությունը, որում հույս էր հայտնվում Հայաստանի և Ադրբեջանի միջև խաղաղության համաձայնագրի շուտափույթ ստորագրման վերաբերյալ։ ԱՄՆ Պետդեպարտամենտի խոսնակն ասել է, որ ԱՄՆ-ն ներգրավված է որոշ հարցերում, հաղորդում է APA-ն։
«Պետքարտուղարի այդ հայտարարությունը կարևոր էր։ Մենք գոհ ենք բազմաթիվ համաձայնագրերից, հրադադարից և այն փոփոխություններից, որոնց մենք մասնակցում ենք։ Պետքարտուղարն ուներ պատճառներ դա ասելու համար, և ես դրանք ձեզ կտրամադրեմ, երբ ավելի շատ մանրամասներ ունենանք», - ընդգծել է նա։
Ավելի վաղ ԱՄՆ պետքարտուղար Մարկո Ռուբիոն հայտարարել էր, որ հույս ունի Ադրբեջանի և Հայաստանի միջև խաղաղության համաձայնագրի շուտափույթ ստորագրման։
