ՔՊ պատգամավորներից շատերը գիշերը ժամը 4-5-ն ընկած հատվածում զանգեր են ստանում. Թունյան
ՔՊ պատգամավորներից շատերը անհայտ հեռախոսահամարներից պարբերաբար զանգեր, sms-ներեն ստանում: Այս մասին Ազգային ժողովում հայտնել է ՔՊ-ական պատգամավոր Բաբկեն Թունյանը։
«Ես մի 5 հոգի ունեմ էդպես, սովորաբար զանգում են գիշերը ժ․ 4-5-ն ընկած հատվածում։ Էդ խոսակցությունների ժամանակ, օրինակ, պարզվեց, որ մեր հեռախոսահամարներն ու կոնտակտները «սրբազան» շարժմանը փոխանցելու գործառույթը վերապահված է եղել Իշխան Սաղաթելյանին, որը, փոխանակ գա, քննարկի տնտեսական, սոցիալական հարցեր, զբաղված է ուրիշ բաներով»,- ասել է Թունյանը։
«Աղվան Վարդանյանն ասում է՝ շուտով, շուտով… Շուտով ի՞նչ, պարոն Վարդանյան։ 2021 թվականի օգոստոսից էստեղ նստած՝ «շուտով» են ասում։ Շուտով, ինձ թվում է, ձեր ասածի փոխարեն ՀՀ-ն պիտի ի վերջո առողջանա վերջապես լրտեսական, գործակալական ազդեցություններից, որոնք կան»,- հավելել է Թունյանը։
