Ովքեր չհասկացան, հետո կհասկանան․ զանգն արդեն հնչել է․ Մեդվեդև
Ռուսաստանի Դաշնության Անվտանգության խորհրդի փոխղեկավար Դմիտրի Մեդվեդևը Telegram-ի իր ալիքում մեկնաբանել է ԵՄ-ում կորոնավիրուսի շրջանում պատվաստանյութերի գնման շուրջ սկանդալը, որը կապված է Եվրահանձնաժողովի ղեկավար Ուրսուլա ֆոն դեր Լեյենի անվան հետ:
«Չեմ բացառում, որ իրեն կհաջողվի մնալ այդ պաշտոնում, բայց այնուամենայնիվ նրա բերանում տհաճ համ կա։ Ովքեր չհասկացան, հետո կհասկանան, զանգն արդեն հնչել է, մոլեգին ռուսաֆոբների համար»,- ասել է ՌԴ Անվտանգության խորհրդի փոխղեկավարը։
Հավելենք՝ Եվրոպական հանձնաժողովի նախագահ Ուրսուլա ֆոն դեր Լեյենը Ստրասբուրգում անձամբ կմասնակցի Եվրախորհրդարանի լիագումար նիստում կայանալիք քննարկմանը, որտեղ կքննարկվի նրա նկատմամբ անվստահության քվեարկության հարցը՝ կորոնավիրուսի համավարակի ընթացքում պատվաստանյութերի ձեռքբերման գործում լուրջ խախտումների պատճառով։
