ՄԱԳԱՏԷ-ի ղեկավարությունը պետք է պատասխանատվություն կրի․ Լավրով

Ատոմային էներգիայի միջազգային գործակալության ղեկավարությունը պետք է պատասխանատվություն կրի Իրանին հարվածելուց մի քանի օր առաջ հրապարակված իր գնահատականների համար, շատերը դրանք երկիմաստ են համարում։ Այս մասին հայտարարել է Ռուսաստանի արտաքին գործերի նախարար Սերգեյ Լավրովը, գրում է «Ռիա Նովոստի»-ն։

«Առաջին հերթին ՄԱԳԱՏԷ-ի ղեկավարությունը պետք է պատասխանատվություն ցուցաբերի այն գնահատականների համար, որոնք հրապարակում է, որոնք հրապարակել է նախկինում և որոնք ներկայացվել են ՄԱԳԱՏԷ-ի Կառավարիչների խորհրդին ագրեսիայի սկսվելուց բառացիորեն մի քանի օր առաջ։

Այս գնահատականները շատերի կողմից բնութագրվել են որպես երկիմաստ։ Ի տարբերություն քարտուղարության նախորդ զեկույցների, նրանք թույլ են տալիս մեկնաբանություն, որը ենթադրում է, որ Իրանն այնքան էլ բարեխղճորեն չի կատարում իր պարտավորությունները», - ասել Է ՌԴ արտգործնախարարը։