Կիևում օդային հարձակման տագնապ է հայտարարվել
Կիևի, Չեռնիգովի, Չերկասիի, Դնեպրոպետրովսկի, Պոլտավայի մարզերում, ինչպես նաև Զապորոժիեի մարզի՝ Կիևի վերահսկողության տակ գտնվող հատվածում, կրկին հայտարարվել է օդային հարձակման տագնապ։ Այս մասին փոխանցում է «Ռիա Նովոստի»-ն՝ ըստ երկրի թվային վերափոխման նախարարության առցանց քարտեզի տվյալների։
Ավելի վաղ տվյալ շրջաններում հայտարարվել էր օդային հարձակման մասին տագնապ, սակայն որոշ ժամանակ անց այն չեղարկվել էր։
Ըստ առցանց քարտեզի՝ տագնապը հնչել է ժամը 9:04-ին։
Հավելենք՝ ավելի վաղ տագնապ էր հայտարարվել Սումիի և Խարկովի մարզերում, որտեղ այն շարունակում է ուժի մեջ մնալ։
