Իսրայելը լայնածավալ ռազմական գործողություն է սկսել
Իսրայելի ռազմաօդային ուժերը ավիահարվածներ են հասցրել Եմենի տարբեր շրջաններին։ Այս մասին հաղորդում է APA-ն՝ հղում անելով աղբյուրներին։
Օդային հարվածները հիմնականում ուղղված էին Ալ-Հուդայդային, Ռաս Իսսա և Սալիֆ նավահանգիստներին, Ռաս ալ-Խատիբ էլեկտրակայանին և «Գալաքսի Լիդեր» բեռնանավին։
Հարվածներից հետո հայտարարվել է Հուսիթների կողմից վերահսկվող տարածքների տարհանման մասին։ Հուսիթների խոսնակը հայտարարել է, որ Եմենի ռազմաօդային ուժերը պատասխանում են Իսրայելի սադրիչ հարձակումներին։
Հավելենք՝ իսրայելական կողմը հայտարարել է, որ գործողությունը ստացել է «սև դրոշ» անվանումը և չի բացառել, որ հարձակումները կշարունակվեն։
Նշենք նաև, որ Թել Ավիվից տարածած պաշտոնական հայտարարության համաձայն՝ հարձակումները կատարվել են ի պատասխան հուսիթների վերջին գործողությունների։
